Gaute med kanonspel på Flisa
Me gratulerer Gaute med kjempespel og 5. plass på Flisa denne helga. Hans tre innleiande startar var faktisk dei tre beste kvalifiseringsseriane som vart spelt av alle i det sterke feltet. 986, 933 og 908 er heilt utruleg bra. Det gjev eit snitt på 236 over tolv seriar. I den teljande starten på 986 hadde Gaute tett på 247 i snitt per serie.
I mellomspelet vart all score frå innleiande spel sletta, så alle dei ti som gjekk vidare stilte med blanke ark. Igjen gjorde Gaute ein sterk start. 841 på 4 seriar gjev 210 i snitt, men diverre for vår mann så vart det poengdeling i kampen om første finalesteget med Jens Mathiesen som også spelte 841. Og sidan Jens hadde beste sisteserien (235 mot Gaute sine 202), så fekk han finaleplassen. Kred til Solør-ungdomen som makta presset og tok tiar-kjegla i siste kastet.
Vinnar av ungdomsturneringa vart Jonas Dammen (Solør), som verkeleg hadde dagen i dag. 1011 på dei fire mellomspelseriane pluss 211 og 243 i stegfinalen.
Me gratulerer!