Kjegletrimmen - status per 27. desember
27. des. 2022, 22:10 av Frank Tangen
Det går mot slutten av kvalifiseringa for finalen i Kjegletrimmen. Dei sju beste pluss den med flest kort spelar RR-finale sundag 1. januar kl 14. Per no så står det likt i tal spelte seriar for Dag og Finn i kampen om den 8. finaleplassen.
Det er heller laber deltaking på årets kjegletrim. Turneringa må nok endrast viss den skal overleve til neste år. Det er for seint å gjera noko i år, men neste år vil me nok redusera talet på deltakarar i finalespelet. For slik det er no så er det nesten plass til alle deltakarane i finalen. Men det er endå ein del dagar igjen av desember, så me kan jo håpa at fleire kastar seg med.