Olav Ludvig vinnar av Kjegletrimmen!
5. jan. 2025, 21:40 av Frank Tangen
I dagens RR-finale var det heilt opent før siste kampen. Olav'ane låg likt på topp, men alle hadde kvar sin siger og kvart sitt tap. Med siger til Frank og Njål i siste runde ville det bli jamt om plassane. Kampen mellom Frank og Olav enda med siger til Frank og 4 pinnar overvekt på totalen.
I den andre kampen mellom Njål og Olav Ludvig leia Njål med 17 pinnar i rute 8, men ein miss i rute 9 opna opp for Olav Ludvig som svarte med ein strike. I rute 10 fylte Njål ruta med spare og Olav Ludvig måtte sette ein dobbel, altså ha ein strike i førstekastet i rute 10 for å vinna. Den sindige strandebermingen gjorde akkurat det, og sikra seg dermed sigeren med 24 pinnars margin - sigerbonusen var på 30 pinnar ;).
Me gratulerer!