To kort på Voss i kveld

DAG 18:
Lars S Pedersen brukte torsdagskvelden på å spela sitt 2. og 3. kort i turneringa. Jamt spelt, men manglar 30 pinnar på å koma inn topp 7. Tre spelarar ligg no på 210 i snitt m/hcp og det er tett som erteris oppover lista.

Med dagens aktivitet er det spelt 94 kort fordelt på 20 spelarar. Det gjev ein premiepott på kr. 4700. Kvart kort kostar kr. 50 og all inntekt går til premiar.

FREDDAN:
Eg opnar hallen for trening/kjegletrim fredag 19. desember frå kl. 18 og utover så lenge folket ynskjer. Oljar truleg ein bane med prg 7 (42 fot) og ein med prg. 4 (44 fot).

- HANDICAP:
https://klubber.bowling.no/kvam_bk/dokumenter/?Id=12512&Tittel=Kjegletrim%20hcp...

- OM KJEGLETRIMMEN:
https://klubber.bowling.no/kvam_bk/dokumenter/?Id=12482&Tittel=Kjegletrim%20vin...

------------
DAG 17:
Ti kort spelt i kveld; fire på Voss og seks i Øystese. Brage Tellevik spelte sitt tredje kort i dag og rykka opp på 3. plass 15 pinnar bak pappa Tore. Atle forbetra eine kortet sitt og klatra med det opp i klynga rundt 210-214 i snitt. Resten av kortspelarane gjorde ikkje anna enn å løfta talet på spelte kort. Med både Olav R og Martin utanfor topp sju vert det knallhard kamp om finaleplassen for flest kort. Martin har spelt 11 kort medan Olav har 12 kort på baken.

Store baneproblem på treninga i kveld. Det lukta svidd av motoren på kuleheisen på bane 1 og 2, så Terje, Dag og Atle brukte kvelden der. På bane 4 var det stadig overmating utan at me klarte å finna ut kvifor. Elles så var det mange ynskjer om god jul frå folket, men eg reknar no med å få spelt litt Freddan før jula tar heilt over. Fylg med i kalenderen.

------------
DAG 16:
Trond spelte tre kort for å prøva å ta tilbake trona i kveld, men det ville seg ikkje, så Tore held stand. I morgon er det klubbtrening igjen, så får me sjå om det vert nokre kort spelt og ev. rokeringar på resultatlista.
-------------
DAG 15:
Ikkje mindre enn 17 kort vart spelt i kveld, 1 på Voss og 16 i Øystese. Fire nykommarar kasta seg med. Både Brage (225) og Lars Audun (230) har eit snitt som ville gitt dei topplasseringar, men dei manglar nokre kort og dermed må dei finne seg i å stille litt bak i køen.

Tore spelte seg til topps medan Gaute klatra opp på 5. plass. Martin falt ut av topp sju, men ligg inne med flest kort. Det er jamnt som tykjen på lista; 16 pinnar mellom 5. og 8. plassen :)
-------------
DAG 14:
Det var Martin og Trond som var i aksjon og begge forbetra eit av korta sine. Trond ligg framleis på topp medan Martin klatra opp til finaleplass.
--------------
DAG 12:
Når me ruslar inn mot helg vart det spelt kort både på Voss og i Øystese. Lars S Pedersen kombinerte Vossabyggmeisterskapen med Kjegletrimmen og registrerte sitt første kort. Håkon Vik spelte også sitt første kort i kveld. Kjekt å sjå at han igjen er klar for å levere kulene langs parketten. Elles så spelte Dag og Olav kvart sitt kort. Dag spelte sitt 3. kort og klatra med det opp på siste finaleplassen. Sebastian ligg over på snitt, men han manglar eit kort.
-------------
DAG 11:
Fjorårets vinnar av Kjegletrimmen, Olav Ludvig, spelte sitt opningskort på Voss i dag. Uvante banar får vel ta litt av skulda for det dårlege resultatet. Håpar karen snart vert å sjå på parketten i Øystese igjen.
--------------
DAG 10:
Kjekt med mange på trening i kveld og mange kjeglekort spelt. Ein del bra kort vart det, men topptroikaen Trond, Frank og Terje held førebels stand. Det vart også satt to banerekordar i dag. Gaute spelte på bane 2 og fekk 247 på siste serien på kort 3, medan Tore spelte 225 på sitt første kort på bane 3.
-------------
DAG 9:
Ny spelar på tavla i dag. Tore Tellevik spelte sine to første kort i kveld. Noko forsiktig opning, men han kjem nok sterkare igjen. Underteikna kasta seg også med og forbetra eit kort, så no krabba eg såvidt forbi Terje opp på 2. plass på lista.
------------
DAG 8:
Tre nye kort spelt i kveld. Olav R forbetra eit av sine kort og klatra opp på 5. plass. Lars Endre spelte sitt kort nr. 2, men det var ikkje same kvaliteten som hans første kort, så han datt litt nedover på snittlista. Terje spelte også eit kort, men hadde betre kort frå før.
-------------
DAG 7:
I dag fekk Frode S med seg eit par vossingar til på kjeglespelet. Og dei spelte ikkje mindre enn tre kort kvar når dei først var i gang. Martin Istad opna best med 613 i rein score, men roa ned på kort to og tre. Trond Johansen opna litt roleg, men avslutta med eit glimrande kort på 620 i rein score og klatra med det forbi formann Terje.
-------------
DAG 5:
To mann i aksjon i dag; Frode S på Voss og underteikna i Øystese. Eg inviterte til freddan med kjegletrim, men det er tydelegvis vanskeleg å tevla med andre fredagsaktørar. Frode spelte eit kort i dag medan eg spelte tre kort. To av mine kort vart teljande og eg klatra opp på topp tre.
----------------
DAG 4:
Ingen kvemmingar i aksjon, men Frode sponsa premiepotten med eit nytt kort utan at det endra på lista. Han ligg framleis på 3. plass.
-----------------
DAG 3:
I dag var det aktiviteter både på Voss og i Kvam. Frode S er framleis einsleg vossing på parketten, men i Øystese var det fleire nykomarar som kombinerte veteranliga med kjeglekort. Ikkje dei heilt ekstreme korta, men nokre gode var det; Terje spelte eit bra kort på 668 og Lars Endre debuterte med 648.
------------------
DAG 2:
Og plutseleg hadde me vossaavdelinga med oss. Frode Stalheim spelte to kort i dag og la seg tett opp mot Terje. Trur litt av årsaka til at ikkje fleire vossingar har kasta seg på endå, er at dei ikkje har skjønt at seriane kan kombinerast med bedriftsspelet deira.
---------------------
DAG 1:
På kveldens første kvalifiseringsdag i årets Kjegletrim tok Terje Høysæther kommandoen med eit kanonkort (3 seriar) på 696 inkl. hcp. Olav og Frank vart statistar med 576 og 512 på kortet og meir eller mindre fortvila tilskodarar til formannen sine herjingar. Heldigvis vart det noko jamnare når kort nr. 2 skulle spelast. Terje spelte 605, Olav 639 og underteikna 667 med ein bra siste serie på 290 inkl. hcp (276 i rein score - så baneparrekorden din rauk nesten, Gaute ;).

Dermed er me i gang med kjegletrimmen og Terje toppar. Har ikkje høyrt eit knyst frå Voss endå, men håpar dei kastar seg med.